【旺角】韩式意粉店新品！水晶冰花雪糕！

2020-06-13

早前介绍既意粉雪糕店又有新搞作！由听日1/8开始推出「水晶冰花雪糕」，以韩国牛奶製雪糕配上大大朵朱古力花同水果，下层仲有乾冰营造烟雾效果呃Like至啱洗，有士多啤梨、芒果、绿茶及蓝莓共4款口味。

雪糕同意粉，本身就係两样捞唔埋嘅嘢，而且一个鹹一个甜，点睇两样野大缆都扯唔埋，真係好难有新搞作。但係旺角有间甜品铺，将两样完美结合！咁究竟会变成热嘅雪糕定係冻嘅意粉呢？等小编带大家去一探真伪啦！

入到铺头，同侍应姐姐倾咗阵，佢哋话原来间铺部「唧雪糕机」係由韩国订制，几日前先空运到香港架！新机落地，梗係即刻就试下佢啦！小编见个厨房哥哥一按落去，一条条嘅意粉雪糕即时出现係眼前！哗，又白又滑咁，真係想快啲有得食丫！

等咗大约五分钟，已经有得食啦！呢个「韩式粉天使草莓意大利粉雪糕」都唔只个名长咁简单，上面嘅蓝莓、士多啤梨全部由韩国直送，怪唔之得清甜过人，而个雪糕本身牛奶味好够，加埋上面嘅白朱古力，食到小编停唔到口呀！

「韩式粉天使草莓意大利粉雪糕」，暂时嚟讲只在旺角Nun有得食啊！对雪糕同意粉都好有爱既女孩子，记得快啲去试下啦！

Nun

地址︰旺角通菜街119号地铺

营业时间︰2p.m.-2a.m.

查询电话︰2390 43118

想知道更多，就要留意第815期新假期啦！或可订阅电子版新假期，悭得仲多！

IOS

Android

延伸阅读︰

【中环】冲破日菜界限 平食炸猪扒×担担麵

Shabu-Shabu汉堡包

上一篇：【旺角】难得优质放题　精緻四层架寿司
下一篇：【旺角美食】90后蓝带厨师开小食店 猫山王沙冰＋榴槤芝士波